الــحــب الــمــســتــحــيــل

ر

راشد

يا حسين هل عندك خبر
اني انا شفت القمر
عـ الارض ما هو فـ السما
موجود ما بين البشر

حسين

حتى أنا مثلك نظرت
قبلك يا راشد وانبهرت
هذي بشر بس الشبه
خلاك تحسبها قمر

محمد

وش هالتصور والخيال
معقوله بنت بهالجمال
واحترتوا كيف تفرقون
ما بينها وبين البدر

أحلام

معقولة يا ابو نوره وأكيد
واسمع من أحلام المزيد
لأني بعيني شفتها
أحلى وأرق من الزهر

راشد

طيب ابسأل يالـربع
غير الحلا غير الدلع
عنها وش أكثر تعرفون
قولوا لي ودي استمع

حسين

غير الجمال المستحيل
أي وصف بنقوله قليل
براءة الدنيا بهـا
عذبه مثل ماي النبع

محمد

شوقتوا عيني لشوفها
ولحسنها ووصوفها
ودي اكحل ناظري
من نورها كل ما طلع

أحلام

هذي نعم بنت القروم
لي مجدهم فوق النجوم
خوالها وأعمامها
مجد على المجد ارتفع

راشد

دام الفخر كله لها
والمجد ساس لهلها
عرفت أنا منهي تكون
يا ناس محد ( ن ) مثلها

حسين

يعني انت قصدك باختصار
انها مثل شمس النهار
مدام تحمل هـ الوصوف
والنعم فيها وفـ أصلها

محمد

ربي يخليها لهم
تكبر وتحلى بينهم
وبقلب أبوها وأمها
تلقى السعاده كلها

أحلام

هالبنت اسمها من ذهب
حفيدة أمجاد العرب
جدينها وبكل فخر
هم فخر داري وأهلها

راشد يفكرها قمر
وحسين بالحسن انبهر

ومحمد احتار شكثر
وتأكد أحلام الخبر

لكنها أحلى كثير
ملاك في صورة بشر

» يــا قــضــاة الــحــب احــنــا بــمــشــكــلة