أنا مع سواقة المرأة في المملكة ، بس انت ضدها ، تعال نتناقش ونتفاهم

[center]بسم الله الرحمن الرحيم

السلام عليكم ورحمة الله وبركاته ؟ كيف الحال يا إخوان ؟ عساكم بخير

أنا أدري إنه بتجيني شكاوي كثيرة وردود معادية وشرسة ، بس الي مب عاجبه الموضوع لا يرد ، بالأدب أو لا ترد ، لأن مالي خلق مشاكل.

قيادة المرأة في السعودية موضوع حساس جدا. تجد الكثير من المؤيدين ( وأنا وحده منهم بس مو عشاني بنت ) وتجد الكثير من المعارضين. وطبعا هذا شيء طبيعي ، احنا بشر وشيء طبيعي نختلف ، خل نتوصل لحل متفق عليه أو نقنع بعض بالأدلة والمنطق.

قبل ما أبدا خل نحلل الفئتان : المؤيدة والمعارضة. حنا لازم نفهم إنه الفئة المعارضة ما قاعدة تعارض نذالة قاعدة تعارض لأنها خايفة على المرأة ، وكل الاهل يخافون على حريمهم ، يعني نيتهم حسنة.
وحنا الفئة المؤيدة مو هدفنا تعري المرأة أو إثارة الفتن أو التقليل من كرامتها ، ولكن نرى بالمنطق والعقلانية أنا قيادة المرأة ليس فيها أي مشكلة ونطالب بها لحاجات المرأة ، ما نبي نظلم المرأة ، يعني نيتنا كلها حسنة.
نشوف هنا إن كلا الفئتين نيتهم حسنة ، كلانا يريد الحفاظ على شرف المرأة. الاختلاف هو أن الفئة المعارضة ترى أن قيادة المرأة يقلل من كرامة المرأة ويعرضها للمحرمات ، والفئة المؤيدة ترى أنا قيادة المرأة شيء طبيعي وعادي وإسلامي أيضا .

طبعا بما اني بدأت الموضوع خلني ابدا بطرح رأي أول واحد وليش أدعم سواقة المرأة .

أبيك الحين تفضي مخك وتروق وتركز معي زين في القصة التالية :

القصة :
امرأة مسلمة متحجبة محترمة شريفة متحشمة طلعت من بيتها وركبت السيارة ( طبعا هي الي بتسوق ) ، شغلت السيارة ومشت . راحت للجامعة ، قعدت هناك ودرست ، يوم خلصت ركبت السيارة مرة ثانية وشغلتها ورجعت البيت. الحمدلله اليوم مرة بسلام .

الحين وين المشكلة في القصة ؟ بنت نيتها حسنة ، بنت محترمة ، خلق رفيع ، ما تميلحت قدام أحد ولا أخذت رقم أحد ولا شيء .

يجيك أحد من المعارضين ويقول "لا ياختي. يمكن هذي المرة الحرمة ما جالها شيء لأن صادف يومها بأنه ما كان شباب مغزلجة ". طيب حلو ، خل نقول اليوم ثاني طلعت الجامعة مرة ثانية ، وجتلها مضايقات من شباب مغزلجين. تصير المشكلة أنها تعرضت للمضايقات.
طيب الحين أنا ما قلت لك البنت محترمة شريفة متحشمة مسلمة ونيتها حسنة ، وانت بنفسك قلت انت لو جتها مضايقات . طيب هي أجل مالها داخل ، الشباب المغزلجة هما المسوين المشكلة مب هي ، صح ولا لأ ؟ هي ما ركبت السيارة مفصخة ولا فقعت صوت السيستم ولا حطت لافتة على السيارة " تعالوا رقموني " . هي بس تبي تروح تسوي شغلها وترجع ، الشباب المغزلجية الي ما يستحوون على وجيهم وهم الي غلطوا عليها.
فالحين أنا اسأل ؟ تمنع المرأة عن القيادة بسبب المشاكل الناتجة عن شباب مالها دخل فيهم من الأساس ؟

شيء ثاني ، الحين بيجي الواحد يقول طيب لو المرأة بتسوق بتصير زحمة ، يبو هذا عذر أقبح من ذنب . أول شيء حنا حاليا السواق صار بديل للمرأة في السواقة ، الحين لو المرأة تسوق خلاص ما عاد نحتاج سواقين ، أي زحمة بالله عليك .
وخل نقول بيصير زحمة ، وشوله نمنع المرأة عن السواقة ومو الرجال ، مو الرجال يسوي زحمة بعد ، ولا على راسه ريشة ؟
عشان كذا ما ينفع تستخدم العذر " بتصير زحمة " لأن أي إنسان ، رجل أو مرأة ، بيشغل حيز من المساحة وبالتالي بيكون له دور في لعب الزحمة. إذا تمنع المرأة عن السواقة بحجة إنه بتصير الزحمة ، تكون ظلمت المرأة لأن الرجل والمرأة كلهم يسوون زحمة.

النقطة الثالثة : يعني انت تبي أختك تطلع برا البيت متى ما تبي وتروح وين ما تبي ؟
أول شيء الحمدلله أن إخوي بثق فيني ، ولو ما يثق فيني كان ماخلاني اتعلم لسواقة برى المملكه اذا مؤيد. طبعا لما المرأة بتستلم سيارة وتبي تروح عند صديقتها ولا شيء أكيد بتقول لأبوها أو أمها ( هذي إذا كانت بنت صادقة طبعا ).
ثانيا ، حنا ليش ع طول نظن بالسوء في المرأة؟ دايم نقول المرأة لو طلعت من البيت خلاص تبي يجي واحد يرقمها وهالأعذار التافهة ، مب مكتوب في القرآن :
(( يا ايها الذين امنوا اجتنبوا كثيرا من الظن ان بعض الظن إثم))
يعني انت ما تثق في أختك ، وين الروح العائلية ؟ وين روح الإخوة والمحبة ؟ يعني تثق في أخوك 100% لما يسوق إنه محا يغازل بس ما تثق في أختك لما تبي تسوق 100% تخاف إنه هي بترقم . والمشكلة إنه العيال هم المهبل ، هم المجانين الي يلاحقون البنت كل مكان ويزعجون أمها. اذا انت خايف على أختك ما فيها شيء ، أنا مثلك اخوي يخاف علي، حتى لمن أمشي برا البيت في السعودية ، لأن الشباب السعودية - مو كلهم - مهبل ورايحين فيها ، يزعجون البنت ويلاحقون البنات حتى لو كانوا مع أهاليهم ، قمة في التخلف ! بس محا يحول خوفه لظلم ويمنعني أسوق. ياخي اذا اختك كانت تسوق وجا واحد يضايقها ، خلها تدق عليك عشان تروح تلعن أبو إبليسه ، والاجاويد معاك بعد ، بس مو تقعد تلوم المرأة والمشكلة ناتجة من الرجل أصلا

أنا بأكتفي بهالنقاط حاليا ، إن شاء الله نشوف تفاعل من الأعضاء بأسلوب حلووووووو

ودمتم بود

Җ₪Җ متيمـﮯ بفيصل Җ₪Җ[/center]

انا اشوف انه عادي
سوقي بس لا اقابلك في شارع
لو اني بنت كان جننت الشباب بالسواقه
بس انا اقول عندنا شوية تخلف مره ما ينفع تسوق المرأه
لانهم ما خلوها في حالها من غير السواقه كيف لو ساقت
يالله عاد تشجعي وخلينا نشوفك في الخط السريع
بس بعدين عن الخط الاصفر

ترا باين من كلامك انك اكبر مغازلجي يا ولد
وتتمنى تصير البنت تسوق علشان تلحقها وتفحط عندهااا صح

او انك تحشرها بالخط السريع هااااااااااا

دمت بود بس انتبه لتجي في خط اسوق غيه لاقلبك مع سيارتك
هههههههههههههههههههههههههههههههههههههههههههههه

على كذه انتي ما تبين تسوقين وبس
إلا ناويه على الشباب تقلبين وتسحبين
لا اجل خلاص ماني مع سواقة المرأه
بالمره الحين داخل رمضان يعني احس بتخربونها حبتين
خلوكم بس وحنا بنوديكم محل ما تبون عشان ما نستغني عن بعض ^_^

انا معااااااارضه

ومن اشد المعارضين كمان

المؤيدين ان شاء الله يتقبلو رايي

Very Happy

يعطيك العافيه متيمه عالموضوع

تقبلي مروري

موضوع كبير ويحتـآج إلى شجـآعة وصرآحة ,,,

وبمـآ أن الفرآشآت اغلبهم موآفقين وأنـآ مو من ضمنهم << الأخت سحلية geek

على بركة الله يسوقون سيآرآت وبآصآت بعد بس فيه نقآط يجب منآقشتهآ :

مثلا بنت لحالهآ مآيصلح !!!
لازم اخوهآ الصغير ولا جارتهآ ولا بوديجآرد نسآئي ويآ مكثرهم هالحين
تشوفهم في الملاهي حآرسآت أمن وشحليلهم بالبدلة يهبلون
ولا النظرآت تخوفك من جد !!!

Cool

مآعلينا نرجع لموضوعنآ ,,,

النقطة الثانية يحدد وقت لقيادة المرأة حدهآ للمغرب بس وبعد كذا تدور تآكسي احسن ...

Twisted Evil

نقطة ثالثة يحطون كاميرآت ترآقب الشوآرع ويحطون مرور نسآئي يسآعد النسآء وأمن طرق نسآئي
يعني كوكبة من الوظآئف النسآئية في قطآع الداخلية ابشروا !!!!

cheers

نقطة رابعة المرأة التي ترغب بالقيادة تحتآج رخصة وتحتآج ولي أمر يوافق وتحتآج تدرس وتتعلم
يعني نفتح مدرسة لتعليم القيآدة نسآئية وهآذي وظآئف جديدة ابشروا !!!

Idea

نقطة خامسة المرأة سيارتهآ عطلانهـ ولا مصدومة وتحتآج الى ورشة نسآئية والورشة تحتآج إلى خريجآت مكآنيكية وسمكرة وهذولي يبون معهد يدرسون فيه واكيد الجنس الخشن ماعندهـ مآنع في تدريس الجنس النآعم ابشروا الوظائف كثرت وانتعش المجتمع وارتفعت المعنويآت والف مبروكـ من كل قلبي !!!!

lol!

بس نجي للنقطة الأخيرة والمهمة وهم العنصر الرجآلي في الموضوع ,,,

الرجآل اول أسبوعين بنهبلون وبتجيهم حالة صرع وعدم تركيز وثوارة وقلة نوم وحوآدث وبتشوف الرجآل مفهي وفآتح حلقه للهواء علشان بنت تسوق قدامهـ !!!
بس بعد مرحلة التفهي والهبال يجي الصحيح ويتعودون ويصير الأمر عـآتي

ويمكن تصير المعاكسة موضة قديمة ويخترعون الشبآب موضة جديدة والله أعلم وشهي ؟؟؟

وبالنسبة للرجآل العاقلين والوآعين وهم وآجد والحمد الله مآفي منهم خوف بالعكس بتلقاهم يدآفعون عن النساء الي تسوق ويسآعدونهم بعد ...

//
\\
/
\

دمتم

afro